Соңғы 8 айда жол апатынан зардап шеккен көлік иелеріне сақтандыру нарығы 16 миллиардтан астам теңге төледі. Бұл сома былтырғы жылмен салыстырғанда 700 миллион теңгеге кем.
Сақтандыру шарты жол-көлік оқиғасында келтірілген залалды өтеуді қамтамасыз етіп отыр. Демек, мемлекеттің міндеттеген сақтандыруы кейбір жол-көлік оқиғасына қатысушыларға көмек көрсетсе, ЖКО-на кінәлі болғандар өзінің көліктерін өз ақшасына қалпына келтіруге мәжбүр болған. Осылайша міндетті сақтандыру полисі жауапты және білікті жүргізушілерді қорғайды. Десе де мұның да бірнеше нюанстары бар. Бұл көбінде үш жылдан аспайтын автомобиль немесе премиум-көлектің жүргізушілеріне қатысты ерекшеліктер.
Сақтандыру төлемі заңды түрде шектелген және максималды сомасы 600 АЕК құрайды. Қазіргі таңда теңгеге шақсақ бұл — 1 666 800 тг. «НОМАД Иншуранс» СҚ Басқарма Төрағасы Дәурен Иманжановтың айтуынша, егер шетел валютасының қазіргі бағамын ескеретін болсақ, бұл шектеу сомасы автокөлікті толық қалпына келтіруге жеткіліксіз болып қалуы мүмкін. Нәтижесінде, қалған соманыкінәлі тараптан өндіріп алу үшін азаматтық тәртіпте сотқа беру керек болады.
«Компания сарапшыларының пікірінше, апаттан зардап шеккен 3 жасқа дейінгі әр 10-шы автомобиль иесіне міндетті сақтандыру полисі бойынша төленген сақтандыру өтемақысы жеткіліксіз. Осылайша, сақтандыру жағдайы туындаған жағдайда қымбат және жаңа машиналардың иелері осындай жағымсыз тосынсыйға тап болады», — дейді Дәурен Иманжанов.
Сарапшылардың айтуынша, 3-тен 7 жасқа дейінгі әрбір 15-ші және 10 жастан асқан әрбір 50-ші көлік иесі қосымша қаржылық өтемақыға мұқтаж.
Ендеше тәуекелдерден қорғап және азаматтық істердің қаралуына кететін уақытты жоғалтпай, жүйкеңізді сақтау үшін не істеуге болады?
Сақтандырушылар мұндайдан аулақ болу үшін КАСКО ерікті сақтандыру қызметін таңдауды ұсынады. Бұл сақтандыру төлемін алуды жеңілдетіп, көлігіңізді толығымен қалпына келтіруге мүмкіндік береді. Бұл төлемдерді сақтандыру компаниясы толығымен өз мойнына алады. Демек, шектеу де жоқ.
Бүгінде еліміздің сақтандыру нарығында мұндай қызметті 20 компания ұсынады. Nur.kz сайты қазақстандықтар үшін КАСКО кешенді сақтандыру полисін қай жерде сатып алған тиімдірек екенін анықтап көрді. Порталдың хабарлауынша, ең қымбат КАСКО-ны «Еуразия» СК ұсынады (389 мың теңге), ең тиімдісі «НОМАД Иншуранста» — жылына шамамен 215 мың теңгені құрайды.
КАСКО ерікті көлік сақтандыруы жол-көлік оқиғаларынан басқа да тәуекелдерді қамтиды. Мысалы, көлекке бөгде зат құлап зақым келсе немесе химиялық заттардың немесе жоғары температураның кесірінен темір тұлпарыңызға зиян тисе де өтемақы қарастырылады. КАСКО кешенді сақтандыру бағдарламасы табиғи апаттардан, өрттен, автокөлік бөлшектерінің бұзылу-ұрлануынан, автокөлікті ұрлаудан және басқа да күтпеген жағдайлардан сақтайды.
© 2026 EmpireMedia
.jpeg?auto=webp)
.jpeg?auto=webp)
.jpeg?auto=webp)
.jpeg?auto=webp)